DONGENG SUNDA - JURIG KARUHUN - BALEWAT WANCI JANARI - Episode 1 part 2

Dina kaayaan aki dinta jeung jali guntreng ngobrol, mikiran naon jeung kumaha nu kudu dilakukeun kumaranehna duaan...

Kadenge harita aya sora ngagorowok tarik pisan, bari dibarengan ku ngajengkangna awak marlan katukang.

"Aaaaawh...."

Dayagdag,,daligdeug,,,awak marlan ngadaligdeg bari sumengir nahan kanyeri..

Dina kaayaan kitu, jurig karuhun harita nempo bedog marlan ngagoler na luhur jujukutan, teu antaparah deui disepak kusuku kencana,,,, bedog ngabelesat hiber ngarah ka awak marlan anu harita karek pakuniang hudang,,,

Ngan untungna teh marlan oge lain kagolong jago atah atah, harita manehna geuwat nyingkahan eta panarajang bedog kucara ngagulingkeun awakna kabeulah katuhu,,,

Wuuut,,,plooos ,bedog nyamos....anu saterusna eta bedog labas ngabelesat ...

Cleb....nancleb dina hiji tangkal kai gigireun pisan aki dinta jeng jali...

Malahan mah lamun harita aki dinta teu pas ngalieuk ka jali jigana daun ceuli katuhuna aki dinta geus rampung kasamber ku bedog nyasar tea.

Aki dinta kaciri soakna nempo kaayaan kitu, beungeutna pias  gablas siga nu weuh getihan, dua sukuna semu ngageter,,,,kitu deui jali awakna ngadegdeg bari pias.

Aki dinta tuluy olohok bengong lir ibarat nu kasima lebur pangacianana.

Sanggeus rada lila ngajejentul aki dinta ngusap beungeut sabaraha kali, teu lila matana ngaburileng ka jali nu aya sagigireun...

"Tah titadi ge ceuk dewek kumaha jali...!!!,,titah cuang kabur, dasar nurus tunjung ilaing mah, mawa karep sorangan, kieu pan kajadianana"

Sentak aki dinta jiga nu ambek pisan ka jali.

• BACA JUGA : PROFIL DAN BIODATA MANG ACIL, PENDONGENG SUNDA

Jali NU harita disentak ku aki dinta puguh we kalahka tambah bingung nu aya, soak kunu tarung enya, nya soak disentak aki dinta Oge enya.

Ngarandapan dua kajadian sarupa Kitu,, Jali nyoba negerkeun hatena tuluy  ngajawab omongan aki dinta najan bari geumper semu ngaharoshos.

"Aaa...dduh,hampura pisan ki, kuring bener bener teu nyangka lamun kajadianana bakal saperti kieu ki,,,," ceuk jali harita.

Meunang jawaban jali kitu, aki dinta kalah beuki sewot Jeung ambek, harita langsung nyentak deui ka jali,,

"Montong loba ngacaprak jeung loba alesan siah...dewek bener bener teu rido yeuh deuleu, mun heug  bedog bieu pas pisan keuna ka dewek.

Gara gara ngadagoan jawaban ilaing titatadi,,, cewek NU akhirna kalahka ampir-ampiran ajal Pati,, ngarti teu, Jali??"

Ceuk Aki dinta bari kitu na teh langsung nyentok leungeun kencana jali sataker kebek,,,

Gurubug..jali ngagurubug manehna reuwas jeng muringis nahan kanyeri.

"Aaaw..aduuuw,,,nyeriii ki...ampuuuun,,,ha..hampura ki..., Bet jiga menyeng nanahaon atuh..."

ceuk jali bari muringis deui gusapan leungeun kencana NU dibedol ku Aki Dinta..

Sedengkeun Aki dinta harita..geus teu hayang malire jigana mah,manehna langsung ngolesed lalaunan ti eta tempat,,pok ngomong bari  jiga nu jengkel tur ambek pisan ka jali..

"Ayeuna mah kumaha karep teuing ilaing be, Jali...bisi ek nyaksian nu tarung heg..mangsbodo. Reg milu Jeung dewek, hayu tinggal milu, Dewek mah geus teu hayang lila lila didieu ayeunamah. Moal rek nyiar picilakaeun..."

Bari malipir kana sisi rungkun jukut..keteyep...keteyep.. Aku Dinta keketeyepan.

Sanggeus katingali cukup jauh, bari kaayaan katingali rada aman. Teu antaparah, .jol..berengbeng,,, aki dinta lumpat tibabarabet ninggalkeun eta patempatan.

Sedengkeun Jali NU harita keur sumengir ngararasakeun leungeuna kurut di centok aki dinta... Manehna langsung curinghak ningali aki dinta ngabecir teh...bari ngagerendeng dina hatena..

"Waah musibah ieu mah,12 cilaka satengah.... Satengah cilaka 12... Aeehhh....'

Ceuk jali jadi teu puguh ngobrolna, bari jeung rada luak lieuk heula...terus teu Lila beretek lumpat sakalumpat lampet nyusul Aki Dinta. Bari jeung tikakalebruk labuh sabab teu malire kana palebah mana titincakeun.

Ki....ki.....akiiiii...dagoaaaan kiiii.....uing ulah ditingggalkn...ki...Aduh, bari Jeung leungeun nyeri deui ieu teh, aki-aki atah adol teh...ki dagoan uing ki..."

Ceuk jali harita.

******

Wanci ampir pabeubeurang, pas Abah Dinta jeung Jali geus deukeut KA lembur Bungbulang.

Ti kajauhan katingali marakpakna pilemburan. Sanajan henteu sakitu loba. Tapi katingalina asri jeung kacida pikabetaheunana.

Aki Dinta reg ngarandeg bari jeung ngatur renghap nafasna. Kitu deui Jali katingali huruhah harehoh. Kesang nyuruluk kerep maseuhan buuk Jeung bajuna.

Karek ge manehna duaan katingali arek ngaso, ti beulah tukang kadenge harita sora pakdorokdok langari NU ragrag ningang Kana dangdaunan.

Tapi kusabab kaayaan keur tegang sarupa Kitu, Abah Dinta Jeung jali mah nyangkana teh, Jurig Karuhun we nu datang pikeun ngudag manehna.

Teu make ngalieuk deui, Jeung merhatikeun deui Kana kaayaan, dua nana langsung lalumpatan deui tipaparetot. Teu malire Kana suku maranehna duaan NU daringlas Jeung baju-calana NU harita saroeh bakat ku tikakarait.

Jeblag!

Sanepina ka imah Aki Dinta langsung nabrak panto nepika ngajeblag.

Nini Runtem, pamajikan Aki Dinta nu harita keur niup seuneu di hawu ge nepika ngagajleng atuh, bakat ku reuwas ningali eta kaayaan.

Komo sanggeus nyaksian salakina teu katingali ojah-ojah acan bari kapaehan mah. Manehna kacida hariweusweusna.

"Aduh, astagfirullah al'adzim. Aya naon ieu teh, Ki....? Bet Matak pikasalempangeun ari kalakuan teh...'

Ceuk Nini Runtem langsung nyampeurkeun bari ngagubrag-gubrag Aki Dinta.

Tapi teu Lila ti Harita, panto kadenge ngajeblag deui. Blus, katingali Jali nu awakna ngadadak ngajoloto, sabab sabeulah sukuna tikolesed nincak jojodog anu keur malang.

Nini Runtem teu bisa mikir deui Harita teh, geuwat manehna gancang nyingkahan tubrukan Jali.

Ngan hanjakalna rada telat meureun ayeunaman, kusabab Harita sampingna teu kahaja kajeuwang pas ku leungeunna Jali anu rarawealan  neangan pamuntangan.

"Setan, Siah!" Jerit Nini Runten nu Harita reuwas bari era. Sapotong awakna langsung ngangin sabab sampingna tetela lesot ku jeuwangan leungeunna Jali anu sataker kebek!

Tapi sajaba ambek teh, Nini Runtem sakapeung mah ngarasa reuwas ku sabab Harita ningali jali mata molotot, bari calawak, satengah rorongheapan teu beda ti nu keur kasurupan.

Ngarasa keueung,Nini Runtem Harita jol kerewek kana siwur NU nggantung gigireun hawu,terus nyiuk cai Tina  gentong

Gewur, ku Nini Runtem dibanjurkeun KAna beungeutna Jali NU keur cacalawakan.

Atuh puguh Jali Harita langsung ngagurubug bari rorongheapan ngusapan beungeutna.

Sanggeus rada sadar, Gebeg, Jali ngagebeg,teu nydr manehna geupeul pageuh muntangan samping Nini Runtem meh kabedol.

"Atah adol, Siah!" sentak Nini Runtem bari menerkam sampingnya.

Jali jadi serba bingung atuh Harita. EK ngobrol kumaha, teu ngobrol Oge kumaha.

"Aaa.... Ampun Nini... Hampura Kuring.... Benar-benar teu ngarti Naha samping Nini Aya Dina cekelan kuring...." ceuk Jali.

Nini Runtem Matana ngaburilak deui Harita. Sabenernamah sewot Jeung banget keuheulna ka Jali teh. Ceuk kasarmah hayang ngalegleg.

Tapi harita manehna teu bisa kapapanjangan da kusabab inget deui ka Aki Dinta anu ngagoler teu walakaya.

Atu gancang harita manehna nitah KA Jali supaya ngangkat awakna Aki Dinta ka tengah Imah. Titah dibawa Kana amparan samak NU biasa digunakan ku Aki Dinta biasa narima tamu.

"Manggeus, montong loba omong ayeunamah. Mending geuwat bantuan kami mawa ieu aki-aki yeuh, Jali...! Bet kumaha ieu teh geuning ngadak-ngadak jadi kieu?" ceuk Nini Runtem.

"Aduh! Panjang Caritana ieumah, Ni...! Keun we masalah etamah gampang. Mending ayeunamah, bantuan mawa ieu Aki Dinta we yeuh, Ni.... Kuring teu kuat.... Beurattt....!"

"Kahade atuh Tah, sing ati-ati! Sirahna kalahkan tidadalagor ilaingmah"

"Meunggeus, Ni tong loba Obrol. NU pentingmah Aki Dinta kasalametkeun.... Bari Dina Kitu nage, moal karasaeun ieuh, mangpang-meungpeung eukeur teu sadar...!"

"Nurus Tunjung, Siah!" sentak Nini Runtem. Bari kontan ngajongklokeun awak Jali. Untung we, teu Pati tarik.

Dan teu kabayang atuh, moal teu to kebruk angot Dina kaayaan mawa awak Aki Dinta sarupa Kitu.

********

Teu lila ti prak Aki Dinta digolerkeun ku Jali di luhur samak. Katingali harita sapasang panonna muka lalaunan. Tina sungutna kaluar sora ngagerung leutik. Suga NU nahan kanyeri.

Kulisik, awakna ngulisik. Ret ka Jali jeung Nini Runtem.

"Aduh, di mana ieu teh, Jali....?" ceuk Aki Dinta.

Jali Harita geus engab pisan EK ngajawab. Ngan geuwat di tepak ku Nini Runtem.

"Menggeus tong nanya di mana, di mana. Leuwih Hade jelaskeun kajadian naon anu tadi kaalaman. Matak pisan ngahariwangkeun geuningan. Siga san lain kolot, manehnamah.."

"Iiihhh, lain kalah nyarekan, atuh, Nini... Boro mah Mun disuguhkan cai Atawa kumaha, ieumah....!"

"Beak caina ge ku si Jali, deuleung..."

"Deuleu etah, kabina-bina, pake nginum eta???"

"Lain di banjurkeun!" ceuk Nini Runtem.

******

Kocapkeun peutingna, ti tungtung lembur kadenge Harita Sora tihtir ngentir di sarada patembalan. Bari dibarengkan ku Sora....